Жиззахда “Беш ташаббус олимпиадаси”нинг вилоят босқичлари ўтказилди

Ўзбекистон Республикаси Президентининг 2022-йил 19-январдаги “Маҳаллаларда ёшлар билан ишлаш тизимини тубдан такомиллаштириш чора-тадбирлари тўғрисида”ги ПҚ–92-сон ҳамда 2022-йил 11-апрелдаги “Маҳаллаларда ёшларни оммавий спортга жалб қилишни янги босқичга олиб чиқиш чора-тадбирлари тўғрисида”ги ПҚ–201-сон қарорларида белгилаб берилган вазифаларнинг ижросини таъминлаш мақсадида туманларда ғолиб иштирокчи ва жамоалар ўртасида “Беш ташаббус олимпиадаси” оммавий спорт мусобақаларининг вилоят босқичи бўлиб ўтди.

Жиззах олимпия ва паралимпия захиралари спорт коллежида “Стритбол” спорт мусобақасининг вилоят босқичида 13 та туман (шаҳар)лардан келган эркаклар ва қизлар жамоалари беллашдилар.

Мусобақа натижаларига кўра “Стритбол” спорт мусобақасининг вилоят босқичи ғолиблари аниқланди.

Эркаклар ўртасида:

1-ўрин 16-21 ёш тоифасида: Пахтакор тумани “Сувонобод” маҳалла ёшлари,

2-ўрин 22-26 ёш тоифасида: Шароф Рашидов тумани “Жиззахлик” маҳалла ёшлари,

3-ўрин 27-30 ёш тоифасида: Шароф Рашидов тумани “Қўшкўприк” маҳалла ёшлари эгаллади.

Аёллар ўртасида:

1-ўрин 16-21 ёш тоифасида: Жиззах шаҳар “Қалия” маҳалла ёшлари,

2-ўрин 22-26 ёш тоифасида: Ғаллаорол тумани “Самарқанд” маҳалла ёшлари,

3-ўрин 27-30 ёш тоифасида: Ғаллаорол тумани “Кўкгумбаз” маҳалла ёшлари эгаллади.

Биринчи ўринни эгаллаган жамоалар “Беш ташаббус олимпиадаси” “Стритбол” спорт мусобақасининг Республика босқичига йўлланмани қўлга киритишди.