Жо Жойс: "Менимча, Усик боксни тарк этмоқчи"

"Усик билан жанг қилишни хоҳлардим. Аммо, у ҳозир бошқа нарсани хоҳлаётганга ўхшайди. Бринчи оғир вазнга қайтиш ёки Фьюри билан жанг қилиш ҳақида ўйлаяпти. Бу ҳозирча муҳокама қилинмаётганга ўхшайди. Усйк кетиши мумкин, кейин камар менга ўтади.

Менимча, у боксни тарк этмоқчидир. Усик шунча вақтдан бери шу ишни қилмоқда. Юзлаб ҳаваскор жанглар... У Жошуа билан бўлган сўнгги икки жангида жуда яхши пул ишлаб олди. Унинг мен билан жанг қилиш истаги борми? Буни билмайман. Агар Фьюри жанги ташкил этилмаса, у боксда қолиб мендан кўп зарбалар қабул қилиб олишни истаётганига ишончим комил эмас.

Аммо, ҳозирда боксда нима бўлаётганини билмайман. Фьюри ҳар доим фикрини ўзгартиради, Усикнинг вариантлари кўп. Мен қила оладиган ягона нарса бу қаршилик кўрсатиш ва сабр-тоқатли бўлишдир", - деди Жойс.

Аввалроқ, Жо Жойс Энтони Жошуа билан жанг қилишга тайёрлигини айтганди