27 окт 10:52
Янгиликлар

Теннис

Жоао Фонсека Swiss Indoors Basel чемпиони!

Теглар : Жоао Фонсека Swiss Indoors Basel

Швейцариянинг Базель шаҳрида ўтган ATP 500 тоифасига кирувчи теннис турнири Жоао Фонсеканинг бенефисига айланди.

Финалгача ATP рейтингида 46-поғонада борган бразилиялик теннисчи бош соврин учун кечган учрашувда дунёнинг 18-ракеткаси испаниялик Алехандро Давидович Фокинани мағлубиятга учратди - 6/3, 6/4. Бу теннисчиларнинг ўзаро ўтказган иккинчи учрашуви бўлди - 2:0.

Икки соату 28 дақиқа давом этган баҳсда Фонсека 6, Давидович Фокина 4 та эйс зарбасини амалга оширди. Бу Фонсеканинг фаолиятидаги иккинчи соврин бўлди. Илк титулини шу йилнинг февралида Аргентинанинг Буэнос-Айрес шаҳрида ўтган ATP 250 турнирида қўлга киритганди.

Swiss Indoors Basel турниридаги муваффақиятли иштирок Фонсекага 500 рейтинг очкоси ҳамда 471 825 евро мукофот пули келтирди. Давидович Фокина эса 330 очко ва 253 875 евро ишлаб олди. Бугун эълон қилинган янгиланган ATP рейтингида Фонсека Топ-30`таликда дебют қилди. У дунёнинг 28-ракеткасига айланди.