Жокович - Алькарасга қарши баҳси ҳақида: "Менимча, бу мен учун энг муҳим учрашув"

Сербиялик теннисчи ушбу рақибини "Ролан Гаррос"да мағлуб қилшанди, бироқ "Уимблдон" финалида ютқазиб қўйган.

"Менимча, бу мен учун энг асосий баҳс. Сўнгги уч турнирда бир-биримизга қарши ўйнадик. "Ролан Гаррос"да грунтда, "Уимблдон"да эса ўтли қопламада. Ҳозир эса хардда. Бу бизнинг харддаги биринчи ўзаро ўйинимиз бўлади.

US Open олдидан яхшигина текширув бўлади. Албатта, у ернинг шароитлари бошқача бўлади, яъни, 3 сетли эмас, 5 сетли баҳс. Бироқ бу айни дамда энг яхши ҳолатидаги топ-теннисчиларнинг ўзаро тўқнашуви ҳисобланади.

Бу фаолиятимдаги энг қийин баҳслардан бири бўлиши мумкин, уни сабрсизлик билан кутяпман. Бу Нью-Йоркдаги турнир учун яхши тайёргарлик бўлади", - деди Жокович.