20 авг 10:14
Янгиликлар

Теннис

Жокович Рафаэль Надалнинг рейтинг рекордини янгилади

"Катта Дубулға" турнирларининг 24 карра ғолиби Новак Жокович яна бир тарихий натижага эришди.

Сербиялик афсона кеча ATP Топ-2 рейтингидаги 597-ҳафтасини бошлади. Бу билан у Очиқ эрадаги эркак теннисчиларнинг рекордини янгилади. Бундан аввалги энг яхши кўрсаткич Рафаэль Надалга тегишли эди. Испаниялик юлдуз 596 ҳафта давомида рейтингда Топ-2`дан тушмаганди.

Таъкидлаш жоиз, Новак Жокович 428 ҳафта мобайнида дунёнинг биринчи ракеткаси бўлган. Бу ҳам теннис тарихидаги рекорд ҳисобланади. Айни пайтда Жокович дунёнинг иккинчи ракеткаси бўлиб турибди. У пешқадам Янник Синнердан 2000 очко кам жамғарган.