19 май 11:40
Янгиликлар

Теннис

Жокович Рим "Мастерс" финалида Надалга қарши ўйнайди

Италия пойтахти Рим шаҳрида ўтказилаётган "Мастерс" сериясига кирувчи турнир ўзининг ҳал қилувчи палласига етиб келди.

Дунёнинг биринчи ракеткаси Новак Жокович ярим финал учрашувида ғалабага эришди. Сербиялик теннисчи рейтингнинг 24-поғонасидан жой олиб турган аргентиналик Диего Шварцманга қарши кортга чиқди.

Икки соату 31 дақиқа давом этган баҳсда Жокович рақибини 6/3, 6/7(2), 6/3 ҳисобида таслим этди. Бугун у Internazionali BNL d'Italia финалида испаниялик Рафаэль Надаль билан бош соврин масаласини ҳал қилади.