19 май 13:42
Янгиликлар

Теннис

Жон Иснер "Ролан Гаррос"да иштирок этмайди

Америкалик теннисчи Жон Иснер "Катта Дубулға" туркумига кирувчи Франция Очиқ чемпионатида иштирок этмайдиган бўлди.

Бу ҳақда унинг ўзи хабар берди. Иснернинг Ролан Гаррос турнирини ўтказиб юборишига теннисчининг Майами "Мастерс" турнирида олган жароҳати сабаб бўлди.

"Афсуски, Парижга бора олмайман. Начора, айни вазиятда қўлимдан ҳеч нарса келмайди. "Ролан Гаррос"да қатнашишни жуда ҳам хоҳлагандим. Умид қиламанки, сизлар билан "Уимблдон"да кўришамиз", - дея ўзининг Твиттер саҳифасида хабар қолдирган Иснер.