Жон Жонс: "Мен аллақачон UFC`га ўз режаларимни айтганман"

Америкаликнинг айтишича, у аллақачон UFC раҳбарларини ўз режаларидан бохабар қилган. 

"Сиз манзилда адашиб қолдингиз. Мен аллақачон ўз режаларимни UFC раҳбарига айтганман. Жин урсин, нега ҳалигача улар сизларга бу гапларни етказишмаган", – дея ўзининг ижтимоий тармоқдаги саҳифасида хабар қолдирган Жонс.

Бундан ташқари, чемпион ўзига тўғридан-тўғри ўзингизнинг позициянгиз қандай деб берилган саволга жавоб беришдан қочди. 

"Мен ўзим шу даражага келтирган ажойиб бренд тарғиботини давом эттираман. Лекин Таиландда мен анча машҳурроқ эканман. У ерда ҳар бир метр масофада сиз билан суратга тушишади. Менинг рус ва британиялик мухлисларим портлатишди. Ҳаммаси менинг фойдам учун кетмоқда", – дея боғдан-тоғдан жавоб берган Жонс. 

Бир неча кун олдин Лига раҳбари Дана Уайт Жон Жонс йил охиригача аниқ октагонга қайтишини эълон қилганди.