Жўрабек Каримов узоқ танаффусдан сўнг қайтди, у қайтишини ғалаба билан нишонлади

Теннисчимиз бугун Грузиянинг Телави шаҳридаги мукофот жамғармаси 15 000 АҚШ долларини ташкил этувчи ITF турнирида кортга чиқди. 

Ҳамюртимиз илк даврада беларуслик Владислав Жукка қарши кортга чиқди. Роппа-роса 1 соат давом этган ўйинда ҳамюртимиз 6:1, 6:2 ҳисобларида ғалаба қозонди ва иккинчи даврага йўл олди. 

Энди у навбатдаги босқичда америкалик Деннис Успенскийга қарши кортга чиқади. 

Мусобақада иштирок этаётган яна бир теннисчимиз Саидаъло Саидкаримов биринчи даврада россиялик рақибини мағлуб этиб, иккинчи босқичга йўл олди.