25 июл 16:05
Янгиликлар

Теннис

Жўрабек "ўзбек дербиси"да ютиб турган баҳсини якунига етказа олмади

Грузиянинг Телави шаҳрида теннис бўйича "Фьючерс" туркумига кирувчи турнир давом этмоқда.

Соврин жамғармаси 15 000 АҚШ долларини ташкил қилувчи мусобақада ўзбекистонлик теннисчилар ҳам ўз имкониятларини синовдан ўтказишяпти. Бундан бир неча дақиқа аввал ўзига хос ўзбек дербиси мақомидаги учрашув якунланди.

Унда Жўрабек Каримов ва Саидаъло Саидкаримов ўзаро тўқнаш келишди. Истеъдодли Жўрабек турнирда учинчи рақам остида таснифланган Саидъалони 4:2 ҳисобида мағлуб эта туриб, учрашувни якунига етказа олмади. Бунга унинг жароҳати сабаб бўлди.

Шу тариқа, Саидкаримов қийинчиликсиз чорак финал иштирокчисига айланди. Энди Саидаъло ярим финал чиптаси учун беларуслик Микалай Хальякка қарши кортга чиқади. Бу теннисчи бугун турнирнинг саккизинчи ракеткаси туркиялик Корай Кирчини 6:1, 6:2 ҳисобида мағлуб этди.