Жорж Сен-Пьер: "Мактабда болалар устимдан кулгани сабаб ММА билан шуғулланишни бошлаганман"

"Болалигимда менда ўзимга бўлган ишонч етишмаган. Шу сабаб ҳам болалар менга нисбатан зўравонлик қилишарди. Табиатда ҳам шундай, йиртқичлар доим тўдадаги энг заиф ўлжаларга ташланишади. Мен шундай заиф йигитларнинг бири эдим. Ўша пайт ўзимни тутишим ҳозиргидан бутунлай фарқ қиларди. Фақат пастга қараб, елкаларимни сиқиб юрардим. Шунинг учун улар менга кучини кўрсатишарди.

Жанг санъати менга ўзимни ҳимоя қилишни ўргатди. Ундан ҳам муҳимроғи, ўзимга бўлган ишончим уйғонганди. Мен бутунлай ўзгардим. Ким биландир кўришсам, қўлларини сиқиб, унинг кўзига қарардим, бошқа ҳеч қачон ерга қараб юрмадим", - дейди Жорж Сен Пьер.