22 ноя 14:44
Янгиликлар

Бокс/ММА

Жорж Сент-Пьерр: "Чимаевни тўхтатиб бўлмайдиганга ўхшаяпти"

Икки вазнда собиқ UFC чемпиони Жорж Сент-Пьерр шу йилнинг август ойида Дрикус дю Плессидан ўрта вазн чемпионлик камарини тортиб олган Хамзат Чимаев ҳақида ижобий фикр билдирди.

"Вазн тоифасидан қатъи назар, энг яхшилар ҳақида гап кетганда Хамзат Чимаев ҳам буюклар қаторида эътироф этиладиган йигит. У ҳозир шу рўйхатда. Хамзат серқирра, ҳар томонлама жуда яхши тайёрланган. Илгари мен унга қарши Бо Никал ва Роберт Уиттакер каби жангчиларда яхши имконият бор деб ўйлардим, аммо ҳозир уни ким мағлуб этиши мумкинлигини билмайман - у шунчаки тўхтатиб бўлмайдигандек кўринмоқда", - деди афсонавий канадалик Жорж Сент-Пьерр.

Бир кун аввал Қатарга дўсти Арман Царукянни Ден Хукерга қарши жангда қўллаб-қувватлаш учун келган Хамзат Чимаев оёғида кичик жарроҳлик амалиёти ўтказишини, чемпионлик камарини эса Рамазон ойидан кейин ҳимоя қилишни режалаштираётганини маълум қилганди.