05 янв 08:46
Янгиликлар

Бокс/ММА

Жошуа ўзи иштирокидаги ҳалокатли ЙТҲдан кейинги илк постини жойлади + ФОТО

Супероғир вазнда собиқ жаҳон чемпиони Энтони Жошуа ўзи иштирокидаги ҳалокатли йўл-транспорт ҳодисасидан сўнг илк бор ижтимоий тармоқдаги саҳифасида пост қолдирди.

"Ўз ака-укаларининг қўриқчиси", - деб ёзди Жошуа суратни эълон қилиб.

Эслатиб ўтамиз, фожиа 29 декабрь куни Нигериянинг Лагос - Ибадан трассасида содир бўлганди. Жошуа ўтирган Lexus машинаси йўлнинг четида турган юк машинасига бориб урилган эди. Ҳодиса оқибатида британияликнинг икки мураббийи - Син Гами ва Кевин Айоделе ҳалок бўлганди. Боксчининг ўзи оғир жароҳатлардан омон қолган ва фожиадан бир неча кун ўтиб Буюк Британияга қайтди.

Жошуа ўзининг сўнгги жангини 20 декабрь куни АҚШнинг Майами шаҳрида оғир вазн тоифаси WBA рейтингида 14-ўринни эгаллаб турган (уч кун аввал рейтингдан чиқарилди) блогер-боксчи Жейк Полни олтинчи раундда нокаутга учратганди.