05 июн 16:48
Янгиликлар

Бокс/ММА

Жошуа шартноманинг реванш бандидан фойдаланади

Супероғир вазн тоифасида собиқ жаҳон чемпиони Энтони Жошуа амалдаги чемпион мексикалик Энди Руисга қарши реванш жангида рингга кўтарилади.

Жошуанинг ўзи ҳам, унинг промоутерлари ҳам биринчи жанг шартномасида кўрсатилган реванш жанги ҳақидаги банддан фойдаланади. Бу ҳақда британиялик боксчининг промоутери Эдди Хирн хабар берди.

Режа бўйича реванш жанги шу йилнинг ноябрь ёки декабрь ойида бўлиб ўтади. Катта эҳтимол билан жанг Британия ҳудудида, яна ҳам аниқроғи Лондонда ўтказилади. Жошуа реванш жанги ҳақидаги якуний қарорини расман 30 кун ичида билдириши шарт.