14 окт 18:18
Янгиликлар

Бокс/ММА

Жошуа - Уайлдер: Музокара ҳал қилувчи паллага кирди

Профессионал бокснинг супероғир вазн тоифасида бирлаштирувчи чемпионлик жангининг ўтказилиши тобора ҳақиқатга айланиб боряпти.

Ҳозирда боксчиларнинг промоутерлари жангни келаси йилнинг апрель ойида ташкил этиш бўйича музокара ўтказишмоқда. Жошуанинг промоутери Эдди Хирннинг айтишича, томонлар келишувга эришишга анча яқин келишмоқда.

“Биз Уайлдернинг жамоаси билан музокараларни давом эттиряпмиз. Бундай жангларни ташкил этиш осон эмас. Чунки, жангда ўртага супероғир вазн тоифасидаги барча чемпионлик камарлари қўйилади. Бир нарса аниқки, Жошуа бу жангнинг ишқида ёнмоқда. Ҳамма гап Уайлдер ва унинг жамоасида қолган”, - деди Хирн.

Эслатиб ўтамиз, Деонтей Уайлдер 1 декабрь куни АҚШда собиқ жаҳон чемпиони британиялик Тайсон Фьюрига қарши рингга кўтарилади. Бу жанг натижасидан қатъий назар, Жошуа - Уайлдер баҳси ўтказилишига умид қилинмоқда.