"Жошуанинг довруғи ҳақиқий маҳоратидан устун"

Промоутер Дмитрий Салитанинг собиқ мижози бўлган америкалик оғир вазнли боксчи Жаррел Миллер Жошуанинг Усикка қарши имкониятлари тўғрисида гапирди.

- Жошуанинг Усик билан тенглаша олишига ишонасизми?

- Йўқ, мен бундай деб ўйламайман. Лекин умид қиламан, у буни уддалай олади. Чунки мен ўзим ҳам Жошуани нокаутга учратмоқчиман. Муаммо шундаки, Энтони фаолиятининг дастлабки босқичида узоқ вақт овора бўлди. У "мешок"лар билан жанг қилди. Жошуа боксчининг мослашишига ёрдам берадиган техник услубга эга бўлганлар билан жанг қилмади. 

У ўзидан кучсизроқ, кичикроқ, бироқ "Айкю" даражаси юқорироқ бўлган боксчилар билан рингга чиқди. Мушаклар ва катта жусса боксда ҳеч нарсани ҳал қилмайди. Усик буни исботлади. Александр энди чемпион ва у шу ерда қолиш учун янада кўпроқ ҳаракат қилади. Шундай экан, Жошуа Усикни тўхтатиш учун нима қила олишини тушунмаяпман", - деди Миллер.