Жойс: "Мен Усикка катта муаммолар туғдираман"

Британиялик боксчи Жо Жойс Энтони Жошуа ва Александр Усик реванши ҳақидаги фикрлари билан ўртоқлашди. Боксчининг сўзларига кўра, иккинчи жангда украиналик боксчи фаворит.

"Биринчи жангда Усик ажойиб жанг қилди. Мен шунга ўхшаш ёки ундан ҳам яхшироқ жанг кўришни орзиқиб кутаман".

Бундан ташқари, Жойс Усик билан бўлиши мумкин бўлган эҳтимолий жанг ҳақида гапирди.

"Мен Усикка катта муаммолар туғдираман. Бу жангда услублар жанг қилади. Менимча, менинг услубим у билан рақобатлашишга жуда мос. Мен томондан доимий босим бўлса, жанг ажойиб бўлади", — Жойснинг сўзларини келтиради SecondsOut.

Эслатиб ўтамиз, Жойс Усик билан жанг қилиши мумкин эди, бироқ уларнинг музокаралари муваффақиятсиз якунланди, чунки украиналик боксчи Жошуа билан чемпионлик камари учун жанг қилишга рози бўлди.