Жойс сенсацион мағлубиятдан сўнг ўз фикрларини билдирди

Жойс бугун сенсацион тарзда хитойлик Чжан Чжилейга 6-раундда ютқазиб қўйди ва фаолиятидаги илк мағлубиятни қабул қилиб олди. 

"Бундай жангимдан афсусдаман. У менга чап қўли билан зарба беришда давом этди, мен эса зарба чизиғидан чиқиб кета олмадим. Унга фақат ҳурмат билан ёндошаман. Бу яхши жанг эди, аммо мен бундан ҳам яхшироқ чиқиш қила олардим. Анчадан бери чапақай боксчи билан жанг қилмагандим. У яхши жангчи, аммо мен максимумни ишга солиб, ғалаба қозонишимга ишонгандим. 

Мухлислардан кечирим сўрамоқчиман. Мен қайтаман, ҳали ишим якунига етгани йўқ", - деди Жойс.