28 окт 15:59
Янгиликлар

Теннис

Жуфтликдаги WTA Якуний турнирига ҳам қуръа ташланди

Хабар берганимиздек, Мексиканинг Канкун шаҳри теннис бўйича WTA Якуний турнирига мезбонлик қилади.

Яккалик баҳсларидан сўнг мусобақанинг жуфтлик турнирига ҳам қуръа ташланди. Саккизта жуфтлик иккитадан гуруҳга ажратилди. Махауаль ва Майя-Каан гуруҳ номлари бўлиб, Мексикадаги қишлоқлар ҳисобланади.

Қуръа натижалари:

Махауаль гуруҳи: Кори Гофф ва Жессика Пегула, Барбора Крейчикова ва Катержина Синякова, Вера Звонарёва ва Лаура Зигемунд, Габриэла Дабровски ва Эрин Рутлиф.

Майя-Каан гуруҳи: Сторм Хантер ва Элизе Мертенс, Шуко Аояма ва Ена Шибахара, Деми Шуурс ва Дезайр Кравчик, Николь Меликар ва Эллен Перес.

Гуруҳ босқич баҳслари эртага, 29 октябрь куни бошланади. Ҳар бир гуруҳдан биринчи ва иккинчи ўринни эгаллаган жуфтликлар 1/2 финал йўлланмасини қўлга киритади.