Камару Усман жангдан сўнг нималар деди?

Кечанинг марказий баҳсида Камару Усман Хорхе Масвидални мағлуб этди. Жанг якунланиши билан UFC шархловчиси Жо Роган чемпион билан қисқа интервю ташкил қилди.

"Мен сизларга нокаут қилишимни айтгандим ва буни уддаладим. Масвидалга миннатдорчилик билдираман. Айнан у мени асабийлашишга мажбур қилди, мен анча вақтдан бери жанг учун бу даражада асабийлашмагандим. Жамоамга миннатдорчилик билдираман, улар орқали мен янада кучли бўлмоқдаман. 

Мураббийим менга бу жангдан олдин ҳеч қандай янгилик қилишим керак эмаслигини ва доимгидек ҳаракат қилишимни айтганди. Асосий рақибимни нокаут қилдим, унга яна бир бор миннатдорчилик блдираман. У сабабли жуда қаттиқ тайёргарлик кўрдим", - деди Камару.