Камила Валиева терма жамоадан чиқарилди

Россия спорт вазирлиги қарори билан 26 апрель куни 18 ёшга тўладиган Валиева терма жамоа сафидан чиқарилди. Мамлакат фигурали учиш федерацияси ёш спортчининг четлатилиши масаласида катта можарога аралашмоқчи эмас. Бу ҳақда Фигурали учиш бўйича миллий федерация бош директори Александр Коган ТАСС ахборот агентлигига берган интервьюсида маълум қилди.

CAS ҳам Валиеванинг 4 йиллик дисквалификацияни тасдиқлаган. Жазо 2021 йилнинг 25 декабридан кучга кирган деб ҳисобланади ва 2025 йилнинг 25 декабрь куни якунига етади. Камила жазо муддати якунига етгунига қадар барча турдаги спорт фаолиятидан четда бўлади. 

Таъкидлаш жоиз, Камила Валиевани қўллаб-қувватлаш акциялари Россиянинг Москва, Екатеринбург, Перм, Уфа, Челябинск, Нижний Новгород, Волгоград, Самара, Воронеж, Тюмень, Новосибирск каби шаҳарларида бўлиб ўтган. Яқинда Валиева ўзи туғилиб ўсган Қозон шаҳри мезбонлик қилган Келажак ўйинлари мусобақасининг тантанали очилиш маросимини Россия Федерацияси Президенти Владимир Путин билан томоша қилган эди.