20 июл 13:51
Янгиликлар

Теннис

Каримов Грузиядаги турнирда финалга чиқди

Грузиянинг Телави шаҳрида теннис бўйича мукофот жамғармаси 15 000 АҚШ долларини ташкил этувчи ITF турнири давом этмоқда.

Мусобақада муваффақиятли тарзда иштирок этаётган истеъдодли теннисчимиз Жўрабек Каримов финал чиптасини қўлга киритди. Ҳамюртимиз ярим финалда россиялик Ян Собанинга қарши баҳс олиб борди.

Жўрабек роппа-роса икки ярим соат давом этган учрашувда рақибини 7:5, 2:6, 6:3 ҳисобида мағлуб этди. Энди Каримов мусобақа бош соврини учун турнирнинг биринчи ракеткаси чехиялик Давид Польякка қарши кортга чиқади.