23 июн 10:18
Янгиликлар

Теннис

Карлос Алькараз Queen's Club 1/4 финалига чиқди

Лондон шаҳрида теннис бўйича майса қопламали ATP турнири давом этмоқда.

Дунёнинг иккинчи ракеткаси Карлос Алькараз мусобақанинг чорак финал иштирокчисига айланди. Испаниялик теннисчи иккинчи даврада ATP рейтингида 36-ўринни эгаллаб турган чехиялик Иржи Лехечкани ортиқча қийинчиликсиз мағлубиятга учратди - 6/2, 6/3.

Бу теннисчиларнинг ўзаро ўтказган илк учрашуви эди. Саксон етти дақиқа давом этган баҳсда Алькараз 3, Лехечка 5 та эйс зарбасини амалга оширган. Карлос фаолиятида илк бор майса қопламали турнирнинг 1/4 финалида ўйнайди.