Карлос Алькараз US Open чемпионлик ҳимоясига киришди

Дунёнинг биринчи ракеткаси, мусобақанинг амалдаги чемпиони Карлос Алькараз титул ҳимоясини муваффақиятли бошлаб олди. Унинг илк даврадаги германиялик рақиби Доминик Кёпфер иккинчи сетнинг бешинчи геймидан сўнг баҳсни давом эттира олмаслигини маълум қилди. Бу пайтга келиб Карлос ATP рейтингида 75-поғонада бораётган рақибини 6/2, 3/2 ҳисобларида мағлуб этаётган эди. 

Бу теннисчиларнинг ўзаро ўтказган илк учрашуви эди. Ортда қолган 58 дақиқа мобайнида Алькараз 4 та эйс ва 3 та брейк қайд этиб улгурганди. Кёпфер иккинчи сетнинг олтинчи гейми давом этаётган бир паллада оёғидан жароҳат олди. 

Энди Алькараз АҚШ Очиқ чемпионатининг иккинчи даврасида ЖАР вакили Ллойд Харрисга қарши кортга чиқади. Африкалик теннисчи илк босқичда аргентиналик Гвидо Пельяни 7/6(5), 6/4, 6/4 ҳисобларида мағлубиятга учратди.