20 июн 08:34
Янгиликлар

Теннис

Каролина Плишкова ўз эгизаги Кристинага ютқазиб қўйди

Сайёрамизнинг учинчи рақамли теннис маликаси Каролина Плишкова Бирмингемда давом этаётган турнирдаги иштирокини якунлади.

Чехиялик 27 ёшли теннисчи Nature Valley Classic мусобақасининг иккинчи даврасида ўз эгизаги Кристина Плишковага ютқазиб қўйди. Бир соату 55 дақиқа давом этган баҳсда рейтингнинг 112-поғонасидан жой олган Кристина - 6/2, 3/6, 7/6(7) ҳисобида зафар қучди.

Учрашув давомида Каролина 9, Кристина эса 24та эйс зарбасини амалга оширди. Эгизак теннисчиларнинг ўзаро учрашувларидаги ҳисоб Кристина фойдасига ўзгарди - 5:4. Энди у чорак финалда яна бир чехиялик теннисчи Барбора Стриковага қарши кортга чиқади.