08 июн 08:21
Янгиликлар

Теннис

Кеча бошланган Тим - Жокович учрашуви бугун давом эттирилади

Франция пойтахти Париж шаҳри кортларида ўтказилаётган теннис бўйича “Катта Дубулға” туркумига кирувчи “Ролан Гаррос” турнири якуни сари яқинлашмоқда.

Кеча сербиялик Новак Жокович ҳамда австриялик Доминик Тим ўртасидаги иккинчи ярим финал учрашуви якунига етмай қолди. Биринчи сетда Тим 6:2 ҳисобида ғалаба қозонди. Иккинчи сетда Новак мувозанатни тиклади - 6:3.

Учинчи сетнинг тўртинчи геймидан сўнг баҳс ёмғир сабабли тўхтатилди. Бу пайтга келиб Доминик 3:1 ҳисобида олдинда бораётганди. Бугун ушбу ярим финал учрашуви келган жойидан давом эттирилади. Дастлабки ярим финал баҳсида Рафаэль Надаль уч сетда Рожер Федерерни мағлуб этганди.