11 янв 12:58
Янгиликлар

Бокс/ММА

Кеча рақибини нокаутга учратган Кабайел энди Усикни жангга чорлади

Мағлубият ва муроса нималигини билмай келаётган WBC йўналишида вақтинчалик жаҳон чемпиони Агит Кабайел (27-0) украиналик Александр Усикка "вызов" ташлади.

"Мен бу чемпионлик жангини жуда узоқ вақтдан бери кутяпман. Ар-Риёдда учта махлуқни мағлуб этдим, энди менга чемпионлик жангимни беринг. Мен тайёрман!", — деди Кабайел.

Эслатиб ўтамиз, супероғир вазнли Агит Кабайел кеча Германияда ўтказилган жангда Дамиан Книбани 3-раундда нокаутга учратганди.

Маълумот учун, Кабайел профессионал боксчи сифатида 2011 йилнинг июнь ойида дебют қилган. У проф рингда 27 та жанг ўтказиб, барчасида ғалаба қозонган, шундан 19 таси нокаут билан якунланган. Кабайел Чжан Чжилей, Дерек Чисора, Арсланбек Маҳмудов сингари номдор боксчиларни мағлубиятга учратган.