16 ноя 13:37
Янгиликлар

Футбол

Кечиккани учун жаримага тортилган Дембеле "Барса" машғулотларига биринчи бўлиб келди

"Барселона" вингери Усмон Дембеле бош мураббий Хави томонидан ўрнатилган янги қоидаларга кўникишда давом этмоқда.

Журналист Алекс Пинтанелнинг хабарига кўра, олдинроқ машғулотларга 3 дақиқа кечиккани учун жаримага тортилган француз кеча машғулотларга биринчи бўлиб келди.

Шунингдек унинг қайд этишича, ҳимоячилар Жерар Пике, Эрик Гарсия, Сержи Роберто, ярим ҳимоячилар Педри ва Нико Гонсалес кеча умумий гуруҳда шуғулланишди. Номлари тилга олинган футболчилар 20 ноябрь куни бўлиб ўтадиган "Эспаньол"га қарши ўйинга тайёрлар.