14 мар 07:53
Янгиликлар

Теннис

Кенин дунёнинг учинчи ракеткасига айланади, Уильямс ТОП-100ни тарк этади

Яқин беш ҳафта ичида ҳеч қандай хотин-қиз теннисчилар иштирокидаги профессионал турнирлар ўтказилмайди.

Бунинг натижасида апрель ойи ўртасига бориб WTA рейтингида бир қатор ўзгаришлар кузатилади. Сўнгги Australian Open чемпиони, америкалик София Кенин бу ўзгариш натижасида дунёнинг учинчи ракеткасига айланиб олади.

Канадалик теннис маликаси Бьянка Андрееску Топ-10ни тарк этади. Винус Уильямс эса сўнгги саккиз йилда илк бор Топ-100 рейтингидан чиқиб кетади. Беларуслик Арина Соболенко рейтингда тўққизинчи ўринга кўтарилиб олади ва бу билан ўзининг шахсий рекордини такрорлайди.