Кевин Лининг Eagle FC промоушени дебют жангидаги рақиби маълум

Америкалик 29 ёшли жангчи янги промоушенидаги илк жангида ўзидан 10 ёшга катта ватандоши Диего Санчесга қарши октагонга кўтарилади. Уларнинг ҳар иккиси ҳам UFC камарига собиқ даъвогарлар ҳисобланади. 

Ушбу жанг 2022 йилнинг 11 март куни АҚШнинг Флорида штати Майами шаҳрида бўлиб ўтади. Кевин Ли (18-7 ММА) яқинда Дан Уайт томонидан UFC ташкилотидан ҳайдалган эди. У охирги 5 та жангининг 4 тасида мағлубиятга учраганди. Ли Eagle FC промоушенида ўзи учун янги 74,8 кг вазнда жанг ўтказади. 

Унинг 11 март кунги рақиби Диего Санчес эса UFC`даги охирги жангини 2020 йилнинг сентябрь ойида Жейк Мэтьюзга қарши ўтказиб, мағлубиятга учраганди. Енгил вазнда UFC камарига собиқ даъвогар бўлган Санчес (30-13 ММА) сўнгги 5 та жангидан 3 тасида ғалаба қозониб, 2 тасида ютқазган.