16 сен 09:16
Янгиликлар

Бошқалар

Киберспортчиларимиз PUBG Mobile бўйича турнирда олтин ва бронза медалларини қўлга киритган ҳолда 11 минг долларга эга чиқди

14-15 сентябрь кунлари Қозоғистоннинг Олма-Ота шаҳрида "Almaty Cyber Games International 2024" киберспорт мусобақаси ташкил этилди.

Мусобақанинг PUBG Mobile ўйини бўйича беллашувларида жами 16 та, Ўзбекистоннинг эса тўртта (Everest Gaming, Danger eSports, NOT NOOBS, DARK NIGHTS) жамоаси иштирок этди.

Аҳамиятлиси, халқаро мусобақада Ўзбекистоннинг "NOT NOOBS" клуби биринчи, "Danger eSports" жамоаси эса учинчи ўринни қўлга киритди. Иккинчи ўрин эса мезбон Қозоғистоннинг "RUKH ESPORTS" клубига насиб этди.

Мусобақада олтин медалларни қўлга киритган "NOT NOOBS" аъзолари 8 333 АҚШ доллари, бронза медалларига эга чиққан "Danger eSports" вакиллари эса 3 124 АҚШ долларини қўлга киритишди.