29 дек 14:13
Янгиликлар

Бокс/ММА

Кичик ёшли шогирдлари билан танилган ўзбекистонлик ММА мураббийи Mangu MMA 1 турнирида жанг қилади (ПОСТЕР)

2026 йилнинг 7 февраль куни Тошкентдаги "Ҳумо Арена" комплексида аралаш яккакураш бўйича Mangu MMA 1 турнири ташкил этилади.

Унда октагонга чиқадиган яна бир ҳамюртимиз маълум қилинди. Instagram платформасида ўзининг кичик ёшли шогирдлари билан танилган Суҳроб Мирзавалиев турнир доирасида чиқиш қилади.

28 яшар Мирзавалиев проф фаолияти давомида ҳозиргача 7 та жанг ўтказиб, 6 ғалаба ва 1 та мағлубият қайд этган. У охирги жангини жорий йил февраль ойида GFC 30 турнири доирасида грузиялик Ника Жаконияга қарши ўтказиб, биринчи раунддаёқ зафар қучганди.

Аввалроқ, Фурқатбек Ёқубов, Хотамбек Бойназаров каби спортчиларимиз Mangu MMA билан шартнома имзолагани ҳақида хабар берган эдик.