28 июн 07:49
Янгиликлар

Теннис

Кики Бертенс Истбурнда ярим финалга чиқди

Буюк Британиянинг Истбурн шаҳрида ўтказилаётган теннис бўйича нуфузли WTA турнири ўзининг ҳал қилувчи палласига кирди.

Сайёрамизнинг тўртинчи ракеткаси Кики Бертенс Nature Valley International мусобақасининг ярим финалига йўл олди. Голландиялик теннисчи чорак финал учрашувида рейтингнинг 10-поғонасидан жой олган беларуслик Арина Соболенкога қарши кортга чиқди.

Бертенс 2 соату 3 дақиқа давом этган баҳсда 6/4, 3/6, 6/4 ҳисобида зафар қучди. Икки теннисчи ўртасидаги ўзаро учрашувлардаги ҳисоб йириклашди - 4:0. Энди Кики Бертенс россиялик Екатерина Александровага қарши кортга чиқади.