02 янв 16:32
Янгиликлар

Хоккей

Кирилл Капризов МХЛнинг 2024 йилги энг яхши "снайпери" бўлди

"Миннесота Уайлд" клубининг россиялик ҳужумчиси Кирилл Капризов Миллий хоккей лигаси Мунтазам чемпионатининг 2024 йилги тўпурарига айланди.

Капризов 56 та шайба билан тўпурарлар рўйхатида биринчи ўринни эгаллади. Айнан шунча голга муаллифлик қилган "Флорида Пантерз" хоккейчиси Сэм Райнхарт иккинчи ўринга жойлашди. Снайперлар пойгасида "Тампа-Бэй Лайтнинг" клубининг канадалик хоккейчиси Брейден Пойнт 52 та гол билан кучли учликка якун ясади.

Кейинги поғоналардан ўз ҳисобига 51 тадан гол ёзиб қўйган "Эдмонтон Ойлерз"нинг германиялик ўйинчиси Леон Драйзайтль ва "Торонто Мэйпл Лифс" клубининг америкалик ҳужумчиси Остон Мэттьюс жой олишди. Яна бир россиялик хоккейчи Артемий Панарин "Нью-Йорк Рейнжерс" сафида 42 та шайба киритишга муваффақ бўлди.