"К.Коротков турнири". Кечаги баҳсларда биргина Шодиёржон Мелиқўзиев мағлуб бўлди. Ака-ука Дўсматовлар жанги қандай якунланди?

Кеча мусобақанинг иккинчи куни доирасида Ўзбекистон терма жамоасининг 9 нафар боксчиси рингга кўтарилди ва якунда улар орасида фақатгина Шодиёржон Мелиқўзиев ўз жангида россиялик рақибига 1:4 ҳисобида имкониятни бой бериб қўйди.

Ҳасанбой Дўсматов эса укаси Фарёзбек билан кутилганидек чорак финалнинг ўзида тўқнаш келди. Бу вазиятда аввал бўлганидек, Ҳасанбой жангга чиқмади ва ўз-ўзидан Фарёзбек кейинги босқичга йўл олди. Энди у қозоғистонлик Сакен Бибосиновга қарши рингга кўтарилади. 

Кечаги натижаларимиз:

-75 кг: Азиза Зокирова - Шугила Налибай (Қозоғистон) 5:0

-71 кг: Муҳаммадазизбек Исмоилов - Рамазан Шалтимаев (Россия) 5:0

-71 кг: Асилбек Абдураҳмонов - Фаруҳ Тоҳтасинов (Қозоғистон) 5:0

-80 кг: Раҳматилла Бойматов - Михаил Эремев (Россия) 1 раундда техник ғалаба

-54 кг: Ҳасанбой Дўсматов - Фарёзбек Дўсматов Фарёзбек кейинги босқичга йўл олди.

-57 кг: Санжар Ваҳобов - Захар Вешновский (Беларусь) 5:0

-63,5 кг: Абдуллоҳ Маъдаминов - Оматбек Белекбаев (Қирғизистон) 5:0

-63,5 кг: Адҳамжон Муҳиддинов - Эрденетсогт Бат-Ули (Мўғилистон) 2 раундда техник ғалаба

-48 кг: Шодиёржон Мелиқўзиев - Володья Мнатсаканян (Россия) 1:4