03 фев 08:12
Янгиликлар
Бокс/ММА
Кличко Жорж Форманнинг рекордини янгиламоқчи
Украиналик собиқ жаҳон чемпиони Владимир Кличко супероғир вазн тоифаси тарихидаги энг кекса чемпион сифатида Жорж Форманнинг рекордини янгилаш истагида эканини маълум қилди.
Бу ҳақда украиналик таниқли менежер Александр Красюк хабар бермоқда. Унинг айтишича, Кличко бу йўлда ватандоши, бугунги кун оғир вазн тоифаси чемпиони Александр Усик билан ҳам жанг қилиши мумкин экан.
"Келажакда нима бўлишини билмаймиз. Кўп нарса Паркер — Дюбуа жангига боғлиқ. Аммо Владимир Кличконинг оғир вазн тоифаси тарихидаги энг кекса чемпион бўлиб, Жорж Форманнинг рекордини янгилаш ниятида эканини ҳам эшитдик. Бу ерда қарор қабул қилишнинг аниқ жараёни йўқ, лекин бу мухлислар орзусидаги режа. Ҳаммаси Паркер — Дюбуага боғлиқлигини тасдиқлаган Турки ал аш-Шейхдан эшитганимиздек, бу шунчаки фикр эмас, балки имкониятдир", деди Красюк.
Ҳавола :
Манба : championat.com
Фикрлар