16 авг 10:32
Янгиликлар

Теннис

Коко Гофф чемпионлик ҳимоясидан чиқди

АҚШнинг Цинциннати шаҳрида теннис бўйича WTA 1000 тоифасига кирувчи нуфузли турнир давом этмоқда.

Мусобақанинг амалдаги ғолибаси Коко Гофф чемпионлик ҳимоясидан чиқди. Америкалик иқтидор эгаси WTA рейтингида 33-ўринни эгаллаб турган қозоғистонлик Юлия Путинцевага уч сет натижасига кўра имкониятни бой бериб қўйди - 4/6, 6/2, 4/6.

Юлия илк бор Гоффни мағлуб этишни уддалади - 1:3. Бир соату 55 дақиқа давом этган баҳсда Гофф 8 та эйс, 5 та брейк қайд этиб, 9 та қўшхатога йўл қўйди. Кори келаси ҳафта янгиланадиган рейтингда учинчи ўринга тушади. Путинцева эса энди Cincinnati Open турнирининг навбатдаги даврасида испаниялик Паула Бадосага қарши кортга чиқади.