14 дек 09:26
Янгиликлар
Колби Ковингтон Чимаев билан жанг қилса, қандай натижа қайд этилишини айтди
"Ростини айтаман, ушбу жангни қонунан ташкил қилишни деярли иложи йўқ. Биз рейтингнинг икки тарафдан энг бошида турамиз. Хамзат ҳали топ-10 жангчиларни мағлуб қилгани йўқ. Мен эса беш йилдан бери кучли ўнликдаман. Шу сабаб ҳам, атлетик комиссия бу жангга руҳсат бермайди.
Бу ташкил қилинган тақдирда ҳам, жанг тўлиқ Колби Ковингтоннинг устунлигида ўтади. Октагонга чиқаман ва барча хайпни йўққа чиқараман. Бу соҳта журналистлар томонидан Хорхе Масвидаль атрофидаги яратилган хайпга ўхшайди. Улар жуда катта шовқин ҳосил қилишди ва бум! Хайп энг аянчли равишда йўққа чиқди.
Шу сабаб ҳам, ҳеч ким Хамзатнинг ҳали бошланиб улгурмаган фаолиятини шу тариқа тугатиб қўйишимни хоҳламайди. Чимаев менга қарши жангга чиқадиган бўлса, у қайтиб тикланмайди. Буларнинг барчаси қуруқ гап сўз. Айнан шу йигит оддий шамоллашдан фаолиятни тугатиб юбормоқчи эди. Ҳаттоки, Жо Роган ҳам бундан икки кунда тузалиб кетди. Хамзат эса жуда кўп йиғлади ва менда барчаси тугади деди.
Унинг каламушникига ўхшаган лабини қаранг. Бундай лаб билан қандай яшаш мумкинлигига тушунмайман. Кафолат бераман, бирорта қиз унинг лабига иккинчи марта қарамайди", -деди Колби Ковингтон.
Фикрлар