Конор Макгрегорга Ислам Махачевнинг камари қизиқ эмас!

Аввалроқ, Махачев Дастин Порьега қарши ўтказадиган чемпионлик ҳимоя жангидан кейин сентябрь ойида Конор Макгрегорга қарши октагонга чиқишга тайёрлигини маълум қилган эди. Лекин ирландияликни енгил вазндаги чемпионлик камари қизиқтирмаяпти. 

"Мен бу чемпионлик камарини қўлга киритиб бўлганман. Яна вазн ташлаб, камар учун жанг қилиш менга керакми? Ҳозирги ҳолатда менга кўпроқ BMF ва яримўрта вазндаги чемпионлик камарлари қизиқроқ туюляпти. Ўйлашимча, UFC раҳбарлари мени номимдаги пуллик чемпионлик камари жорий қилишлари керак. Улар мен учун нимадир ўйлаб топишлари лозим. Чунки, буларнинг бари менинг исм-шарифим сабаб юзага келган", - деди Макгрегор. 

Эслатиб ўтамиз, айни пайтда яримўрта вазндаги UFC чемпионлик камари британиялик Леон Эдвардсга тегишли бўлиб турибди. У 27 июль куни Манчестер шаҳрида ўтадиган UFC 304 турнирида америкалик Белал Муҳаммаддан камарини ҳимоя қилади. BMF камари эса Макгрегорнинг собиқ рақиби Макс Холлоуэйнинг қўлида. Мак Жастин Гэтжига қарши кечган драматик жангда ушбу камарни қўлга киритганди. 

Конор Макгрегорнинг ўзи эса 29 июнь куни Лас-Вегасда ўтадиган UFC 303 турнирида америкалик Майкл Чендлер билан ҳисоб-китоб қилади. Бу ирландиялик учун уч йиллик танаффусдан кейинги илк жанг бўлади.