Кори Гофф WTA Якуний турнири плей-офф босқичига йўл олди

Америкалик иқтидор эгаси гуруҳ босқичининг учинчи учрашувида WTA рейтингида олтинчи ўринни эгаллаб турган чехиялик Маркета Вондроушова устидан 5/7, 7/6(4), 6/3 ҳисобларидаги иродали ғалабага эришди. Уччала учрашувда мағлубиятга учраган чехиялик теннис маликаси мусобақа билан гуруҳ босқичидаёқ хайрлашди. 

Теннисчиларнинг ўзаро учрашувларидаги ҳисоб йириклашди - 3:0. Икки соату 33 дақиқа давом этган баҳсда Кори оз эмас, кўп эмас, 17 та қўшхатога йўл қўйган. Маркетада бу кўрсаткич 5 тани ташкил қилди. Вондроушова 2, Гофф 3 та эйс зарбасини амалга оширган. Брейклар сони америкалик теннисчида биттага кўпроқ бўлди - 8 га 7!