Коронавирус сабаб Гвадалахардаги турнир иштирокчилари сони оширилади

Индиан-Уэллс турнири коронавирус сабаб номаълум муддатга кўчирилган эди. Бунинг натижасида келаси ҳафта Гвадалахара шаҳрида старт оладиган WTA 125k турнирининг асосий тўр иштирокчилари сони 64 нафарга етказилади. 

Саралаш баҳсларида эса саккиз теннисчи иштирок этади. Асосий тўрда ТОП-50 рейтингидан жой олган теннисчилардан кўпи билан 10 нафар теннисчи қатнашиши мумкин. Улардан олти нафари тўғридан-тўғри, қолгани эса wild card, яъни имтиёзли йўлланма асосида асосий тўрга қўйилади.