Крикет федерацияси тренерлар тайёрлашга ҳам эътибор қаратмоқда

Мазкур ўқув-курсини олий тоифали инструктор, ICC нинг Осиё мамлакатларида крикет спорт турини ривожлантириш бўлими бошлиғи, жаноб Иқбол Скандер (БАА)   олиб борди.  Республикамизнинг турли ҳудудларидан йиғилган спорт мутахассислари ҳамда талабалардан иборат 45 нафар семинар иштирочилари уч кунлик ўқув-машғулотларни якунлагач, ICC вакилига имтиҳон топширишди ва имтиҳонлардан муваффақиятли ўтган тингловчилар Халқаро Крикет Кенгашининг биринчи босқичли халқаро  крикет мурраббийси сертификатига эга бўлишди. Муҳим жиҳати, биринчи босқич халқаро крикет  мураббийлик сертификатини  қўлга киритган тренерлар энди нафақат мамлакатимизда балки хорижий давлатларда ҳам крикет бўйича тренер бўлиб ишлаш имкониятига эга бўлишди. 

Семинар якунида ICC вакили Иқбол Скандерга   миннатдорчилик сифатида Ўзбекистон крикет федерацияси томонидан эсдалик совғалари топширилди. 

Эслатиб ўтамиз, Ўзбекистон крикет федерацияси 2022 йилдан Халқаро крикет кенгашининг (ICC) расмий аъзоси ҳисобаланади.

Илҳом РАҲМОНОВ тайёрлади