Кудерметова Канберра турнири 1/4 финалига йўл олди

У бугун тонгда Канберра шаҳрида ўтказилаётган WTA 125 тоифасига кирувчи турнирнинг 1/8 финал босқичида ҳам ғалабага эришди. 22 яшар Полинага нимчорак финал босқичида сербиялик 21 ёшли Лола Радивоевич рақиблик қилди. 

Тўқсон тўрт дақиқа давом этган учрашувда Кудерметова 6/3, 7/6(1) ҳисобида зафар қучди. Бу теннисчиларнинг ўзаро ўтказган иккинчи учрашуви бўлди. Тўрт йил аввал Барселонада ўтган илк баҳсда ҳам Кудерметова ғалаба қозонган эди. Бугунги учрашувда Полина 5, Лола эса 7 та эйс зарбасини амалга оширган. Қўшхатолар вакиламизда биттага кўпроқ бўлди - 5 га 4.  

Маълумот учун, Кудерметова айни пайтда WTA рейтингида 167, Радивоевич эса 137-ўринни эгаллаб турибди. Турнирда учинчи рақам остида таснифланган теннисчимизнинг чорак финалдаги рақибаси Хитой ёки россиялик теннисчи бўлади.