«Кумуш медаль ютқазди дегани эмас» - Бектемир Мелиқўзиев Абдумалик Халаковни қўллаб-қувватлади

Умидли боксчимиз финал жангидан сўнг Инстаграм саҳифасида пост қолдирди.

«Кумуш медаль! Албатта, жаҳон чемпионатига фақат олтин медаль учун келгандим. Аммо, Яратган пешонага нима ёзган бўлса, шуниси бўлади. Ушбу жаҳон чемпионати мен учун катта тажриба мактаби бўлди. Финалда ҳам чиройли ғалабам билан юртдошларимизни хурсанд қилмоқчи эдим. Афсуски, насиб қилмаган экан. Худо хоҳласа, энди 2023 йили Тошкентда ўтказиладиган жаҳон чемпионати, 2024 йилги Париж Олимпиадасида олтин медаль учун курашаман.

Фурсатдан фойдаланиб, мени қўллаб-қувватлаб турган ютдошларимизга, Президентимиз, Ўзбекистон бокс федерацияси, Миллий Олимпия қўмитаси ҳамда мураббийларимга раҳмат айтаман. Барчангиздан миннатдорман!», - деган Абдумалик.

Бектемир Мелиқўзиев ушбу пост тагига изоҳ қолдирди: «Кумуш медаль ютқазди дегани эмас. Укам, сен чемпионсан! Олтин медаль ҳам бўлади, Худо хоҳласа».

Биз ҳам Абдумалик Халаковга чемпионатдаги чиройли ғалабалар, сальтолар ва айни дамда терма жамоамиз учун муҳим бўлган кумуш медални тақдим этгани учун раҳмат айтамиз!