Кун тарихи: Бир йил аввал шу куни Умиджон Жалолов спорт Оскари - “Олтин мангуст” мукофотига лойиқ кўрилганди

Бугун ушбу тарихий воқейликка роппа-роса бир йил бўлди. “Олтин мангуст” спортдаги “Оскар” соврини бўлиб, катта ютуқларга эришаётган дунёнинг энг кучли ва совриндор атлетларига топширилади. Ўтган йилги ғолибларга ушбу мукофотни топшириш маросими Украинанинг Одесса шаҳрида бўлиб ўтди.

Маросимда иштирок этган ёш эркин курашчимиз ўзига аталган совринни тантанали равишда қабул қилиб олганди. “Олтин мангуст” соврини нафақат спортчилар, балки спорт ривожига ҳисса қўшиб келаётган фахрийлар, спортга сармоя киритаётган ҳомийлар ва тадбиркорлар ҳамда сиёсатчиларга ҳам топширилади.

Маълумот учун, Умиджон Жалоловгача Ўзбекистон спорт курашлари ассоциацияси раиси ўринбосари Шомурод Шофайзиев, эркин кураш бўйича икки карра Осиё ўйинлари ғолиби Бекзод Абдураҳмонов ҳамда бокс бўйича Рио Олимпиадаси чемпиони Ҳасанбой Дўсматовлар ҳам “Олтин мангуст” соврини билан тақдирланишган эди.