Кураш гиламида ЎзДЖТСУ профессор-ўқитувчилари

Ўзбекистон давлат жисмоний тарбия ва спорт университети ҳамда мазкур университетнинг миллий кураш турлари, ўйинлари назарияси ва услубияти кафедраси ташаббуси билан ўтган мусобақа Ўзбекистон Республикаси Президентининг 2020 йил 4 ноябрдаги “Кураш миллий спорт турини ривожлантириш ва унинг халқаро нуфузини янада ошириш чора-тадбирлари тўғрисида”ги ПҚ–4881-сонли Қарори ижросини таъминлаш ҳамда 8 декбарь – Конституция куни муносабати билан ташкил этилди.

Қизиқарли ва ўзига хос тарзда ўтган беллашувларнинг якуний натижаларига кўра, 73 кг. вазнда М. Тошмуродов, 90 кг. вазнда Н. Чоршанбиев, +90 кг. вазнда Б. Холиқовлар барча рақибларини енгиб, биринчи ўрин соҳибларига айланишди.

Мусобақада кучли учликдан жой олган профессор-ўқитувчилар университет томонидан таъсис этилган диплом, медаль ва эсдалик совғаларига эга бўлишди.

ЎзДЖТСУ Миллий кураш турлари, ўйинлари назарияси ва услубияти кафедраси ўқитувчиси Миржалол Шукуров ҳамда Илҳом РАҲМОНОВ тайёрлади