Кутилмаган чиқиш! Камару Усман Масвидалга қарши жангдан сўнг фаолиятини якунлаши мумкин

Ваҳоланки, икки кун вввал UFC президенти Дана Уайт Усманнинг кейинги рақиби Колби Ковингтон бўлади деб эълон қилганди. Энди катта эҳтимол билан Колби фаолиятидаги аламли мағлубият учун Камарудан реванш ололмайди. 

"Мен ҳаётда реалчиман. Ёлғон гапиришни ёмон кўраман. Ҳозирги ишим билан умрбод шуғулланмоқчи эмасман. Қолаверса, вазнимдаги барча кучлиларни мағлуб этиб чиқдим. Уларнинг ҳаммаси билан ҳам иккинчи маротабадан жанг қилмоқчи эмасман. Тўғриси, менга октагонда туриб берадиган жангчини кўрмаяпман. Балки, ўзимни рингда синаб кўрарман", - дея Усманнинг сўзларини келтирмоқда MMA News.

Эслатиб ўтамиз, Камару Усман ва Хорхе Масвидаль ўртасидаги реванш жанги якшанба тонгида АҚШнинг Флорида штати Жексонвилл шаҳрида UFC 261 турнири доирасида бўлиб ўтади.