25 апр 11:13
Янгиликлар

Теннис

Квитова Штутгартдаги иштирокини бошлади

Дунёнинг учинчи рақамли теннис маликаси Петра Квитова Германиянинг Штутгарт шаҳрида давом этаётган турнирдаги иштирокини ғалаба билан бошлади.

Чехиялик теннисчи иккинчи давра учрашувида бельгиялик Греетье Миннендан устун келди. Квитова 1 соату 13 дақиқа давом этган баҳс якунида рейтингнинг 192-поғонасидан жой олган рақибасини 6/1, 6/4 ҳисобида таслим этди.

Энди 29 ёшли Петра Porsche Tennis Grand Prix турнирининг учинчи даврасида латвиялик Анастасия Севастова ҳамда германиялик Лаура Зигемунд учрашуви ғолибасига қарши кортга чиқади.