Ламин Ямаль ЕЧЛдаги мағлубиятдан сўнг: "Эркак киши сўзида туради"

Эслатиб ўтамиз, каталонияликлар 1/4 финалда "Атлетико"га имкониятни бой беришди (умумий ҳисоб 2:3).

"Биз бор кучимизни бердик, аммо бу етарли бўлмади. Бу йўлнинг бир қисми холос — юқорига чиқиш учун кўтарилиш керак. Биз бу осон бўлмаслигини ва ҳеч ким ишимизни енгиллаштирмаслигини биламиз. Аммо таслим бўлиш — биз учун вариант эмас.

Бизда руҳланиш учун сабаблар етарли ва нима бўлишидан қатъи назар, ўз мақсадимиз сари борамиз. Ҳар бир хато — бу дарс, шубҳа қилмангки, биз уларнинг ҳар биридан тўғри хулоса чиқарамиз.

Биз "Барса"миз ва қайтишимиз керак бўлган жойга албатта қайтамиз. Ота-онам менга эркак киши доимо сўзида туриши кераклигини ўргатишган. Ва биз ушбу кубокни (ЕЧЛ совринини) Барселонага олиб келамиз. "Барса" мангу ????❤️", — деб ёзди Ямаль ўз ижтимоий тармоқларида.

Маълумот учун, Ламин Ямаль жавоб баҳсида гол уриб, 19 ёшга тўлгунга қадар ЕЧЛда энг кўп гол урган футболчи сифатида Килиан Мбаппенинг рекордини янгилади. Бироқ бу натижа жамоасининг кейинги босқичга чиқиши учун кифоя қилмади.