Леннокс Льюис фаолятидаги энг қийин рақиб кимлигини айтди, бу Майк Тайсон эмас

"Одамлар энг қийин рақибим Эвандер Холифилд бўлганлигини эшитганда, ҳақиқатан ҳам ҳайратда қолишади. Буни Рей Мерсер билан адаштирманг, чунки мен у билан жангимни фаолиятимдаги энг қийин баҳс деб атаганман.

Холифилд ҳам мен каби кучли ҳаваскорлик карьерасига эга бўлиб, бу унинг профессионал фаолияти давомида катта ёрдам берган. У супероғир вазнга ўтишидан олдин, оғир вазнда мутлақ чемпионликни қўлга киритган ва эҳтимол, ушбу вазндаги энг зўр боксчилардан бири бўлган.

Агар сиз Холифилднинг ҳаваскор ва профессионал тажрибасини бирлаштирсангиз, унинг рингдаги муваффақиятларини эътироф этмаслик қийин. У мен иккала жангда ҳам ютганимни билади, аммо буни тан олишни хоҳламайди. Лекин жиддий гапирадиган бўлсак, у мен билан 24 раунд давомида жанг қила олган ягона боксчи", - деди Леннокс Льюис.